ಚಿಣ್ಣರ ಹಾಡುಗಳ ಸಂಗ್ರಹ

ಒಂದು ಎರಡು

ಒಂದು ಎರಡು
ಬಾಳೆಲೆ ಹರಡು
ಮೂರು ನಾಕು
ಅನ್ನ ಹಾಕು
ಐದು ಆರು
ಬೇಳೆ ಸಾರು
ಏಳು ಎಂಟು
ಪಲ್ಯಕೆ ದಂಟು
ಒಂಬತ್ತು ಹತ್ತು
ಎಲೆ ಮುದಿರೆತ್ತು
ಒಂದರಿಂದ ಹತ್ತು ಹೀಗುತ್ತು
ಊಟದ ಆಟವು ಮುಗಿದಿತ್ತು

ನಮ್ಮ ಮನೆಯಲೊಂದು ಸಣ್ಣ ಪಾಪವಿರುವುದು

ನಮ್ಮ ಮನೆಯಲೊಂದು ಸಣ್ಣ ಪಾಪವಿರುವುದು
ಎತ್ತಿಕೊಳಲು ಹೋದರದಕೆ ಕೋಪ ಬರುವುದು

ಕೋಪ ಬರಲು ಗಟ್ಟಿಯಾಗಿ ಕಿರಿಚಿಕೊಳುವುದು
ಕಿರಿಚಿಕೊಂಡು ತನ್ನ ಮೈಯ ಪರಚಿಕೊಳುವುದು

ಮೈಯ ಪರಚಿಕೊಂಡು ಪಾಪ ಅತ್ತು ಕರೆವುದು
ಅಳಲು ಕಣ್ಣಿನಿಂದ ಸಣ್ಣ ಮುತ್ತು ಸುರಿವುದು

ಪಾಪ ಅತ್ತರಮ್ಮ ತಾನೂ ಅತ್ತುಬಿಡುವಳು
“ಅಯ್ಯೋ ಪಾಪ” ಎಂದುಕೊಂಡು ಮುತ್ತು ಕೊಡುವಳು

ಪಾಪ ಪಟ್ಟು ಹಿಡಿದ ಹಟವು ಸಾರ್ಥಕವಾಯಿತು
ಕಿರಿಚಿ ಪರಚಿ ಅಳುವುದೆಲ್ಲ ಅರ್ಥವಾಯಿತು
ಕವಿ – ಕುವೆಂಪು

ಗುಂಡ

ಉಂಡಾಡಿ ಗುಂಡ
ಅಜ್ಜಿ ಮನೇಗೆ ಹೋದ
ಎಂಟು ಲಾಡು ತಿಂದ
ಹೊಟ್ಟೆ ನೋವು ಎಂದ
ಕೈ ಕಟ್ ಬಾಯ್ ಮುಚ್

ನಾಯಿಮರಿ ನಾಯಿಮರಿ ತಿಂಡಿ ಬೇಕೆ

ನಾಯಿಮರಿ ನಾಯಿಮರಿ ತಿಂಡಿ ಬೇಕೆ
ತಿಂಡಿ ಬೇಕು ತೀರ್ಥ ಬೇಕು ಎಲ್ಲ ಬೇಕು

ನಾಯಿಮರಿ ನಿನಗೆ ತಿಂಡಿ ಯಾಕೆ ಬೇಕು
ತಿಂದು ಗಟ್ಟಿಯಾಗಿ ಮನೆಯ ಕಾಯಬೇಕು

ನಾಯಿಮರಿ ಕಳ್ಳ ಬಂದರೆ ಎನು ಮಾಡುವೆ
ಲೊಳ್ ಲೊಳ್ ಬೊವ್ ಎಂದು ಕೂಗಿ ಆಡುವೆ

ಜಾಣಮರಿ ತಾಳು ಹೋಗಿ ತಿಂಡಿ ತರುವೆನು
ತಾ ನಿನ್ನ ಮನೆಯ ನಾನು ಕಾಯುತಿರುವೆನು
ಕವಿ : ಜಿ.ಪಿ.ರಾಜರತ್ನಂ

ಬಹಳ ಒಳ್ಳೆ ನಮ್ಮಿಸ್ಸು
ಏನ್ ಹೇಳಿದ್ರು ಎಸ್ಸೆಸ್ಸು
ನಗ್ತಾ ನಗ್ತಾ ಮಾತಾಡ್ತಾರೆ
ಸ್ಕೂಲಿಗೆಲ್ಲ ಫೇಮಸ್ಸು

ಒಂದು ಕಾಡಿನ ಮಧ್ಯದೊಳಗೆ
ಎರಡು ಮರಗಳ ನಡುವೆ ಕೂತು
ಮೂರು ಕರಡಿಗಳಾದುತಿದವು
ನಾಲ್ಕು ಮರಿಗಳ ಸೇರಿಸಿ
ಐದು ಜನರಾ ಬೇಟೆಗಾರರು
ಆರು ಬಲೆಗಳ ಹೊತ್ತು ತಂದು
ಏಳು ಕರಡಿಗಳಿಡಿದರು
ಎಂಟು ಅಂದನು ಅದರಲೊಬ್ಬ
ಒಂಭತ್ತು ಎಂದನು ಬೇರೆಯವನು
ಹತ್ತು **********
ಇಲ್ಲಿಗೆ ಕಥೆ ಮುಗಿಯಿತು

ಅಣ್ಣನು ಮಾಡಿದ ಗಾಳಿಪಟ
ಬಣ್ಣದ ಹಾಳೆಯ ಗಾಳಿಪಟ

ನೀಲಿಯ ಬಾನಲಿ ತೇಲುವ ಸುಂದರ
ಬಾಲಂಗೊಸಿಯ ನನ್ನ ಪಟ

ಬಿದಿರಿನ ಕಡ್ಡಿಯ ಗಾಳಿಪಟ
ಬೆದರದ ಬೆಚ್ಚದ ಗಾಳಿಪಟ

ದಾರವ ಜಗ್ಗಿ
ದೂರದ ನಗಿಸುವ ನನ್ನ ಪಟ

ನಮ್ಮ ಪುಟ್ಟ
ಬಹಳ ದಿಟ್ಟ
ನಾಯಿ ಬಾಲ ಜಗ್ಗಿದ
ಬೌ ಬೌ ಬೊಗಳಿದಷ್ಟು
ಅವನು ತುಂಬ ಹಿಗ್ಗಿದ

ಪುಟ್ಟ ಮರಿ ಜಾಣ ಮರಿ
ಎಲ್ಲಿ ಓಡುವೆ?

ಪುಟ್ಟ ಕಣ್ಣು ಅರಳಿಸಿ
ನೀನೇನು ನೋಡುವೆ
ಮುದ್ದು ಕಿವಿ ನಿಮಿರಿಸಿ
ನೀನೇನು ಕೇಳುವೆ

ಅಲ್ಲಿ ಇಲ್ಲಿ ನೋಡಿ
ಚಂಗನೆದ್ದು ಜಿಗಿಯುವೆ
ನನ್ನ ಕೈಗೆ ಸಿಗದೆ
ಏಕೆ ಹೀಗೆ ಕಾಡುವೆ

ಮುದ್ದು ಮರಿ ಮೇಕೆ ಮರಿ
ಎಲ್ಲಿ ನೀನು ಓಡುವೆ
ನನ್ನ ಜೊತೆಗೆ ಆಡು ನೀನು
ನಿನ್ನ ಮುದ್ದು ಮಾಡುವೆ

ನನ್ನಯ ಬುಗುರಿ ಬಣ್ಣದ ಬುಗುರಿ
'ಗುರು ಗುರು' ಸದ್ದನು ಮಾಡುವ ಬುಗುರಿ

ಜಾಳಿಗೆ ಸುತ್ತಿ ಕೈಯನು ಎತ್ತಿ
ಬೀಸಲು ಭರದಿ ಸುತ್ತುವ ಬುಗುರಿ

ಹೊಡೆತಕೆ ಅಂಜದೆ ಕೆಚ್ಚೆದೆಯಿಂದಲಿ
'ಗಿರಿ ಗಿರಿ' ತಿರುಗುವ ಮೆಚ್ಚಿನ ಬುಗುರಿ

ಅಂಗೈ ಮೇಲೆ ಆಡುವ ಬುಗುರಿ
ಕಚಗುಳಿಯಿಕ್ಕುವ ಮೋಜಿನ ಬುಗುರಿ

ಕಾಮನ ಬಿಲ್ಲನು ಭೂಮಿಗೆ ಇಳಿಸಿ
'ಗರ ಗರ' ಸುತ್ತುವ ಬಣ್ಣದ ಬುಗುರಿ

ಆನೆ ಬಂತೊಂದಾನೆ ಯಾವೂರಾನೆ?
ಚನ್ನಪಟ್ಣದಾನೆ ಇಲ್ಲಿಗ್ಯಾಕೆ ಬಂತು?
ಮಕ್ಳನ್ನೋಡಕ್ ಬಂತು ಏನೇನ್ ತಂತು?
ಕೊಬ್ರಿ ಬೆಲ್ಲ ತಂತು ಮಕ್ಕಳ್ಗೆಲ್ಲ
ಹಂಚಿ ಓಡಿಹೋಯ್ತು ಆನೆ

ಚೈತ್ರ ವೈಶಕ - ವಸಂತ ಋತು
ಜ್ಯೇಷ್ಠ ಆಷಾಡ - ಗ್ರೀಷ್ಮ ಋತು
ಶ್ರವಣ ಭ್ರಾದ್ರಪದ - ವರ್ಷದ ಋತು
ಅಷ್ವಿಜ ಕಾರ್ತಿಕ - ಶರದ್ ಋತು
ಮಾರ್ಗಶಿರ ಪುಷ್ಯ - ಹೇಮಂತ ಋತು
ಮಾಗ ಪಾಲ್ಗುಣ - ಶಿಶಿರ ಋತು

ರತ್ತೋ ರತ್ತೋ ರಾಯನ ಮಗಳೇ
ಬಿತ್ತೋ ಬಿತ್ತೋ ಭೀಮನ ಮಗಳೇ
ಆದಿನಾರೆಮ್ಮೆ ಕಾಸಲಾರೆ
ಬೈಟು ಗುಬ್ಬಿ ಬಾಲೆ ಕಂಬ
ಕುಕ್ಕರ ಬಸವಿ ಕೂರೆ ಬಸವಿ || 2 ||

ಅಣ್ಣನು ಮಾಡಿದ ಗಾಳಿಪಟ
ಬಣ್ಣದ ಹಾಳೆಯ ಗಾಳಿಪಟ

ನೀಲಿಯ ಬಾನಲಿ
ತೇಲುವ ಸು೦ದರ
ಬಾಲ೦ಗೋಸಿಯ ನನ್ನ ಪಟ

ಬಿದಿರಿನ ಕಡ್ಡಿಯ ಗಾಳಿಪಟ
ಬೆದರದ ಬೆಚ್ಚದ ಗಾಳಿಪಟ
ದಾರವ ಜಗ್ಗಿ
ದೂರದ ನಗಿಸುವ ನನ್ನ ಪಟ

ಅಚ್ಚಚ್ಚು ಬೆಲ್ಲದಚ್ಚು
ಅಲ್ಲಿ ನೋಡು ಇಲ್ಲಿ ನೋಡು
ಸಂಪಿಗೆ ಮರದಲಿ ಗುಂಪು ನೋಡು

ಯಾವ ಗುಂಪು?
ಕಾಗೆ ಗುಂಪು
ಯಾವ ಕಾಗೆ?
ಕಪ್ಪು ಕಾಗೆ
ಯಾವ ಕಪ್ಪು?
ಇಜ್ಜಿಲ್ ಕಪ್ಪು
ಯಾವ ಇಜ್ಜಿಲು ?
ಸೌದೆ ಇಜ್ಜಿಲು
ಯಾವ ಸೌದೆ ?
ಒಲೆ ಸೌದೆ
ಯಾವ ಒಲೆ ?
ರೊಟ್ಟಿ ಒಲೆ
ಯಾವ ರೊಟ್ಟಿ?
ತಿನ್ನೋ ರೊಟ್ಟಿ
ಯಾವ ತಿನ್ನೋ?
ಹೇಟು ತಿನ್ನೋ
ಯಾವ ಹೇಟು ?
ದೊಣ್ಣೆ ಹೇಟು
ಯಾವ ದೊಣ್ಣೆ ?
ದಪ್ಪ ದೊಣ್ಣೆ
ಯಾವ ದಪ್ಪ ?
ನಿನ್ನ ಹೊಟ್ಟೆ ದಪ್ಪ Big Laugh

ಮಳೆ ಬಂತು ಮಳೆ
ಕೊಡೆ ಹಿಡಿದು ನಡೆ
ದಾರಿಯಲ್ಲಿ ಜಾರಿಬಿದ್ದು
ಬಟ್ಟೆಯಲ್ಲ ಕೊಳೆ
ಬಿಸಿಲು ಬಂತು ಬಿಸಿಲು
ಕೋಟು ಟೋಪಿ ತೆಗೆ
ಬಾವಿಯಲ್ಲಿ ನೀರು ಸೇದಿ
ಸೋಪು ಹಾಕಿ ಒಗೆ